దేశవ్యాప్తంగా లక్షలాది మంది ఉత్కంఠగా ఎదురుచూస్తున్న యూపీఎస్సీ సివిల్ సర్వీసెస్ (UPSC CSE) 2026 ఫైనల్ ఫలితాలు విడుదలయ్యాయి. పర్సనాలిటీ టెస్ట్ (ఇంటర్వ్యూ) కు హాజరైన అభ్యర్థుల తుది మెరిట్ జాబితాను యూనియన్ పబ్లిక్ సర్వీస్ కమిషన్ అధికారికంగా ప్రకటించింది.
ప్రిలిమ్స్, మెయిన్స్, ఇంటర్వ్యూ దశల్లో సాధించిన మార్కుల ఆధారంగా ఈ ఫైనల్ రిజల్ట్స్ వెల్లడించారు. కేటగిరీల వారీగా కటాఫ్ మార్కులను కూడా త్వరలోనే విడుదల చేయనున్నట్లు అధికారులు తెలిపారు. అభ్యర్థులు యూపీఎస్సీ అధికారిక వెబ్సైట్కి వెళ్లి హోమ్పేజీలో కనిపించే ‘UPSC CSE Result 2026‘ లింక్పై క్లిక్ చేసి, తమ లాగిన్ వివరాలు నమోదు చేసి ఫలితాలను చెక్ చేసుకోవచ్చు.
ఈ ఫలితాలతో దేశానికి కాబోయే ఐఏఎస్, ఐపీఎస్ తదితర అత్యున్నత అధికారుల జాబితా ఖరారైంది. ఎంపికైన అభ్యర్థులు త్వరలో శిక్షణకు వెళ్లనుండటం దేశ పరిపాలనా వ్యవస్థకు ఎంతో కీలకం.
భవిష్యత్ అవసరాల కోసం స్కోర్ కార్డును డౌన్లోడ్ చేసి పెట్టుకోవాలని అధికారులు సూచించారు.