ఆంధ్రా ట్యాక్సీ యాప్: తక్కువ ధరలకే ప్రయాణం! |  Andhra Taxi App Download & Features

ఆంధ్రప్రదేశ్ ప్రయాణికులకు ప్రభుత్వం శుభవార్త అందించింది. ప్రైవేట్ క్యాబ్ సేవల్లో అధిక ఛార్జీల సమస్యకు చెక్ పెట్టేందుకు ఏపీ ప్రభుత్వం ‘ఆంధ్రా ట్యాక్సీ యాప్ (Andhra Taxi App)’ ను ప్రారంభించింది. తక్కువ ధరలు, మహిళా భద్రత, ప్రభుత్వ పర్యవేక్షణతో సురక్షితమైన ప్రయాణాన్ని అందించడమే ఈ యాప్ లక్ష్యం.

విజయవాడలో నిర్వహించిన కార్యక్రమంలో ఎన్టీఆర్ జిల్లా కలెక్టర్ లక్ష్మీశ చేతుల మీదుగా ఈ యాప్‌ను అధికారికంగా ప్రారంభించారు. రవాణా మరియు పర్యాటక శాఖల సమన్వయంతో రూపొందించిన ఈ సేవలు త్వరలో రాష్ట్రవ్యాప్తంగా విస్తరించనున్నాయి.

గమనిక: ఈ యాప్ కేవలం విజయవాడకే పరిమితం కాకుండా, భవిష్యత్తులో ప్రధాన పర్యాటక ప్రాంతాలు మరియు దేవాలయాల వద్ద అందుబాటులోకి తీసుకురానున్నారు.

ప్రతి ఆటో మరియు ట్యాక్సీ సీటు వెనుక భాగంలో ఉన్న QR కోడ్‌ను స్కాన్ చేయడం ద్వారా ప్రయాణికులు నేరుగా ఫిర్యాదులు నమోదు చేయవచ్చు.

• డ్రైవర్ ప్రవర్తనపై ఫిర్యాదు
• మద్యం సేవించి వాహనం నడిపితే రిపోర్ట్
• అధిక ఛార్జీలు వసూలు చేసినప్పుడు సమాచారం
• వాహనంలో మర్చిపోయిన వస్తువులపై ఫిర్యాదు

అత్యవసర నంబర్లు: 100 / 112 / 181

• మధ్యవర్తులు లేకుండా నేరుగా బుకింగ్స్
• ప్రభుత్వ గుర్తింపు మరియు భద్రత
• న్యాయమైన ఆదాయం మరియు స్థిరమైన ఉపాధి